Elçin Əliyev Konqo Demokratik Respublikasından olan texnologiya mütəxəssislərini qəbul edib.

Bu gün ALIEFS şirkətinin baş direktoru Elçin Əliyev, Konqo Demokratik Respublikasından ölkəmizə qonaq gəlmiş texnologiya mütəxəssisləri Dr. Jean-Pierre Mbala və Prof. Nadine Kalombonu qəbul edib. Mütəxəssislər ilə bir araya gələrək strateji əməkdaşlıq müqaviləsi imzalanıb. Dr. Jean-Pierre Mbala bu müqavilənin ölkəsi üçün böyük əhəmiyyət kəsb etdiyini bildirərək, Azərbaycanın İnformasiya Texnologiyaları sahəsindəki yüksək təcrübəsindən yararlanacaqlarını vurğulayıb. Elçin Əliyev, bu tərəfdaşlığın iki dövlətin son illərdəki sosial, iqtisadi və siyasi əlaqələrinin inkişafına da böyük töhfə verəcəyini qeyd edib və əməkdaşlığın hər iki tərəfə texnologiya, innovasiya və iqtisadiyyat sahəsində yeni imkanlar açacağını bildirib.

07.09.2024