Elçin Əliyev
Elçin Fəzail oğlu Əliyev 31 Oktyabr 1993-cü ildə Astara rayonunun Koraoba (indiki Tüləgüvan) kəndində anadan olub.
2000-2011-ci illərdə Bakı şəhəri, Fəxrəddin Nəcəfov adına 266 nömrəli tam orta məktəbdə orta təhsil, 2005-2007-ci illərdə isə Hüseynqulu Sarabski adına 7 saylı uşaq musiqi məktəbində musiqi təhsili alıb.
2011-2014-cü illərdə Azərbaycan Dövlət İqtisad Universitetinin nəzdində Bakı Qida Sənayesi Kollecində "Turizm və onun təşkili" ixtisası üzrə təhsil alıb. 2020-ci ildə T.C. Anadolu Universitetində "Biznesin idarə olunması" ixtisasını bitirib.
2014-2020-ci illərdə informasiya texnologiyaları sahəsində xidmət göstərən yerli və beynəlxalq əhəmiyyətli layihələrdə, müxtəlif şirkət və vəzifələrdə çalışıb.
2017-ci ildə tələbəsi olduğu xalq artisti Fidan Hacıyeva ilə birgə, onun adını daşıyan vokal musiqi məktəbini təsis edib və həmin məktəbin ilk direktoru olub.
2020-ci ildə 44 gün davam edən "Vətən Müharibəsi" iştirakçısıdır və Kəlbəcərin azad olunması uğrunda gedən döyüşlərdə iştirak edib. Daha sonra işğaldan azad edilmiş ərazilərdə minatəmizləmə əməliyyatlarında olub.
"Azərbaycanda komanda idman növləri" haqqında ensiklopediyanın müəllifidir.
2022-ci ildən etibarən "ALIEFS" şirkətinin Baş Direktoru vəzifəsində çalışır.
İngilis və türk dillərini bilir.
Evlidir. Üç övladı var.
Təltifləri
Əskişəhər Azərbaycanlılar Dərnəyinin "Fəxri Qonağı" (2014)
Bakı 2015 1-ci Avropa Oyunlarında Sabit Telekommunikasiya Xidmətlərinin layihələndirilməsi, çatdırılması və dəstəklənməsi üzrə komandada iştiraka görə təşəkkür sertifikatı (2015)
Bakı 2015 1-ci Avropa Oyunlarının uğurlu keçirilməsində müstəsna töhfəyə görə təşəkkür sertifikatı (2015)
Bakı 2015 1-ci Avropa Oyunlarında Texnologiya komandasına verdiyi töhfəyə görə "Texnologiya Komandası" xatirə nişanı (2015)
"Eurodesign - Baku 2015 1st European Games " mükafatı (2015)
Bakı 2017 4-cü İslam Oyunlarında İnformasiya və Telekommunikasiya sahəsindəki töhfələrinə görə "Gümüş xatirə nişanı" (2017)
Bakı 2017 4-cü İslam Oyunlarının uğurlu keçirilməsində müstəsna töhfəyə görə "Hörmət" döş nişanı (2017)
İstedadlı Gənclərin Estrada-Vokal Müsabiqəsində "Ən yaxşı çıxışa görə" diplomu (2018)
İstedadlı Gənclərin Estrada-Vokal Müsabiqəsində Vokal Nominasiyası üzrə 2-ci yer (2018)
"Kəlbəcərin azad olunmasına görə" medalı (2021)
"Vətən Müharibəsi iştirakçısı" medalı (2022)
"Keyfiyyət-24", 13-cü Nəzarət, Avtomobil, Aerokosmik Texnologiyalar, Test Avadanlıqları, Metrologiya və Sənaye Proqramları Sərgisinin "Fəxri Tərəfdaşı" (2024)